Category: ကဗျာ

ပြေးနေတဲ့ ရန်ကုန်

အဟောင်းထဲကနေ အသစ်ဆီကို ခုန်ထွက်လာတဲ့ ရန်ကုန်

ဒါပေမဲ့ အပြောင်းအလဲနဲ့ ဗလောင်းဗလဲတွေကြားမှာ

သောင်းသောင်းသဲသဲ လှုပ်ရှားနေတဲ့ ရန်ကုန်

နည်းနည်းတော့ ကြမ်းမယ်ဆရာ

သူ့ဆန်စားတော့ ရဲတဲ့ ကိုယ့်ဆန်ကိုယ်စားနေသူတွေချည်းပဲ

တစ်ပတ်လှည့်ပြီး ပါးရိုက်ခံနေရတုန်း

သစ္စာတရားကို နဖားကြိုးလုပ်ထိုးခံနေရတုန်း

သူဘယ်သူလဲ

လူ့သမိုင်းခေတ်တွေ တစ်ခေတ်ပြီး တစ်ခေတ်

ယဉ်ကျေးမှုသစ်တွေ အဆင့်ဆင့် မြင့်မားရစ်ဖို့

ရင်ဘတ်ပေါ်မှာ အက္ခရာ ထုဆစ်တဲ့သူဟာ သူပါ။

ဇာတ်လမ်းများ၏ အရွေ့

အဖမ်းခံထားရတဲ့ လူဆိုးဟာ အခွင့်ကောင်းယူလို့

ရဲအရာရှိ ခါးမှာ ချိတ်ထားတဲ့ သေနတ်ကို လုယူဆွဲဖြုတ်

ပြီး အဲဒီ ရဲအရာရှိကို ချိန်လို့ ခလုတ်ဆွဲညှစ်ခဲ့။

လူကြိုက်များတဲ့ သီချင်းတစ်ပုဒ်ထဲက တိမ်ပြာပြာနေ့တစ်နေ့မှာ

ပင်လယ်ကမ်းခြေမှာ အပန်းဖြေ ဟန်းနီးမွန်းထွက်နေသူ
ထီဆုကြီးပေါက်ကာ အူမြူးဝမ်းမြောက်လို့ နေလေသူ
ထီးမွေနန်းလျာဆက်ခံပြီး ဘုရင်သစ်အဖြစ် နန်းတက်လေသူ
သူတို့ဟာ လူအများကြီးထဲက အနည်းစုမျှသာလား
အားမငယ်ပါနဲ့၊ စိတ်ဓာတ်မကျပါနဲ့
ကံကောင်းခြင်းဟာ တစ်နေ့တော့
သင့်ထံကိုလည်း ဆိုက်ရောက်လို့ လာမှာ မလွဲပါ

သွေးထဲက အတွေးကလဲ့စား

ငါတို့ တိုင်းပြည် ငါတို့ လူထုကြီးအတွက်

အလွန်အရေးတကြီး

ရဟတ်ယာဉ်တွေနဲ့ ငါ့ကို လာတိုက်ခိုက်တယ်ဆိုရင်တောင်

ငါ့အသက်ထက် ပိုလို့ အဲဒီကဗျာဟာ

အလွန်အရေးတကြီး။